Stuudemache Gedicht

Stude mache

 

Spannig – Vorfreud – Vorbereitig

Unter em Markus sinere Leitig

 

30 Lüt, 60 Händ

Wo gmeinsam öppis schaffe wänd

 

So gots in Wald

Zerscht bedächtig – schnatter schnatter scho bald

 

Alles was i Fotiapparat ine passt

Wird vo de Beatrice erfasst

 

 Motorchette saged, Äst knicked, Stämm krached

Gertel schwinged, Pfanne klirred, Mensche Lached

 

Emsig wird Stecke um Stecke zämebunde

Juhui de Johrgang 64 het sich zämegfunde

 

Endlich isch es so wiit

Es isch „Stuude mache“ Ziit!

 

Barbara Burkart